Gå til hovedinnhold
Norges musikkhøgskole Norwegian Academy of Music Søk

Konsertsesongen hausten 2021 er ute

Marilyn Mazur spiller trommer på Victoria nasjonale jazzscene
Marilyn Mazur speler på Victoria nasjonale jazzscene i 2019. Foto: Siv Dolmen

Over 70 konsertar er allereie publisert – og fleire kjem. Studentar, tilsette og publikum kan endeleg nyte livemusikk igjen.

Sesongen opnar med Serendipfestivalen, som tradisjon tru har snike seg inn på Oslo Jazzfestival, slik av du som ikkje fekk nok under Serendip Sessions i mars, kan høyre favorittbanda dine i levande live.

Maleri av bandet Ævestaden som spiser kebab
Ævestaden er eit av banda som speler på Serendip under Oslo Jazzfestival. Maleri: Kenneth Lien

Jubileum og festival

I september begynner vi for alvor og inviterer til 50-årsjubileum på Chateau Neuf, med jazz-legenda Marilyn Mazur og vårt eige storband. September er også sjølvsagt månaden for Oslo kulturnatt og Ultimafestivalen, der Christiania Blåseensemble og våre skapande komponistgeni er bidragsytarar.

Klassikarar

Er du kanskje meir sulten på dei store klassikarane? I oktober får du heile to Beethoven-symfoniar på ein konsert. Lindemansprisen inviterer til festkonsert med vinnarane – som framleis ikkje er avslørte, men heilt sikkert verdige. Det blir eit gjensyn med den populære konsertserien RÅ!, og Kammermusikkveka er tilbake med full kraft i november.

Pang-avslutning

Heile sesongen byr på ei rekke korkonsertar med Vokalensemblet og Kammerkoret, eller du kan oppleve Schubert-meisterverk som Winterreise og Schwanengesang. Serien FOLK kjem attende, og du som brenn for eit spesielt instrument kan velje og vrake i klassekonsertar med virtuost solorepertoar.

Symfoniorkesteret pang-avsluttar sesongen med norsk musikk, der du mellom anna får høyre Halvorsens mektige symfoni «Fatum» eller skjebne.

Og i mellom alt dette: mykje meir.

Hele orkesteret på scenen i Lindemansalen
NMH symfoniorkester. Foto: Karina Krokaa

Konsertar hausten 2021

Sesongprogrammet er publisert – 70 konsertar er ute og fleire kjem. Her finn du alt frå jazz, folkemusikk og eksperimentell musikk til store, mektige symfoniar og korverk.

Sjå heile programmet