Etter ein trist pause i 2020 gler heile Musikkhøgskolen seg til Kammermusikkveka 2021.
Kammermusikk er eit viktig satsingsområde på Norges musikkhøgskole. Samspel i små grupper bidrar til å bygge institusjonen innanfrå. Kammermusikk er obligatorisk for dei fleste utøvarstudentane. Dei vel sjølv kva musikk dei vil konsentrere seg om – dei klassiske kammermusikkverka, improvisasjon, eller sjangeroverskridande prosjekt.
På Kammermusikkveka arrangerer vi også workshops og meisterklasser, inviterer gjestar og held konsertar der studentar og lærarar speler saman.
– Konsertane i år speglar det rike mangfaldet i kammermusikk-verksemda vår. Det blir store ensemble både for blåsarar og strykarar, det blir internasjonale gjestar, feiring av Piazzolla og Gubajdulina. Og ikkje minst blir det opningskonsert og Coffee Schmoffee-konsertar som er skapt heilt av studentane sjølv.
Leiar av kammermusikkomiteen.
Publisert: 6. jul. 2021 — Oppdatert: 8. nov. 2021