Lokale, utstyr og samlingar

Biblioteket ligg i 2. etasje i 1. hus og disponerer totalt om lag 950 kvadratmeter med opne og lyse lokale, der bøker, notar, tidsskrift og CD-ar er oppstilte. I same området er det rikeleg med ulike bord, sitjegrupper og lesesalar. I tillegg finst det fleire møte- og grupperom.

Bibliotekets samlingar er bygd opp rundt undervisning, forsking og kunstnarisk utviklingsarbeid.

Samlingane omfattar fysiske og digitale dokument. Biblioteket har rundt 60 000 notar, 16 000 bøker og 30 000 lydopptak, tidsskrift og DVD-er/videoar. Det aller meiste står i open samling, men eldre årgangar av tidsskrift, orkestersett, kornotesett og LP-ar står i magasin. Digitale dokument er tilgjengelege via heimesida til biblioteket.