Ny samarbeidsavtale mellom Ål kulturskule og NMH

Praksisprosjektet for førsteårsstudentane på bachelor i musikkpedagogikk har vore standard i Ål sidan 2022, og blir no forlenga.

I den komande perioden vil klassen med musikkstudentar ha ei arbeidsveke i haustsemesteret på Ål kvart år. Der inngår studentane i ulike undervisnings- og formidlingsaktivitetar i og rundt kulturskulen.

– For Ål Kulturskule betyr dette ei styrking av rolla som eit lokalt ressurssenter, samtidig som den får bidra til å forme framtidas musikkpedagogar med erfaring frå ein distriktskommune der kultur står sentralt i samfunnet, seier Iris Almås Tangeraas, rektor på Ål kulturskule.

– Avtalen stadfestar Ål sin posisjon som ein attraktiv arena for praksis og samarbeid, og sikrar eit framleis tett band mellom høgare utdanning og praksisfeltet i og rundt kulturskulen, seier rektoren.

Bachelorprogrammet i musikkpedagogikk ved Noregs musikkhøgskole (NMH) er ei utøvande musikkutdanning med ei integrert praktisk pedagogisk utdanning (PPU).

– Programmet sin tunge utøvande profil, saman med ei grundig pedagogisk skolering, gjer at desse studentane ofte bygger ein yrkesprofil som kombinerer utøvande og pedagogisk verksemd, seier John Vinge, fagseksjonsleiar på NMH med ansvar for mellom anna pedagogane.

Ved godkjent utdanning blir studentane formelt kvalifisert til å undervise i barne- og ungdomsskulen, vidaregåande skule og i kulturskulen.

Kandidatane bringer også nødvendig kompetanse til det frivillige musikklivet, der dei arbeider som dirigentar i kor og korps og andre musikkpedagogiske praksisar.

Mangfald er eit sentralt tema for praksisen:

Studentane møter barn og unge i alle aldrar og i ulike musikkpedagogiske settingar, det vere seg grunnskulens musikkfag og kulturskulen sine mange musikkprogram.

Dei møter amatørmusikklivet i form av bygdas tilbod om kor og korps. Dei engasjerer vaksne deltakarar i musikkaktivitet i introduksjonsprogrammet for flyktningar, og dei deltek i konsert- og song-stunder på eldresenteret.

Studieopphaldet i Ål gjev studentane relevante erfaringar i det å virke som musikkpedagog i ein distriktskommune med dei mangfald av yrkesmoglegheiter og samarbeid som her vil kunne førekome.

(saken fortsetter under bildet)

Den forlenga samarbeidsavtalen med Norges musikkhøgskole er ei svært positiv utvikling for både Ål Kulturskule og kulturkommunen Ål.

Gjennom dette partnarskapet får kulturskulen tilført ny kompetanse, engasjement og perspektiv frå musikkstudentane. Studentane si deltaking i ulike undervisnings- og formidlingsaktivitetar gir verdifull inspirasjon kulturskuleelevane og skaper dynamiske læringsarenaer i samarbeid med grunnskulen, det frivillige musikklivet og profesjonelle kulturaktørar.

Planen for hausten 2025 er allereie klar.

– Vi reiser søndag 2. november med retur 7. november, seier en oppspilt John Vinge.

Det blir aktivitet i Ål kvar dag og kveld, men sjølve konserten med alle elevane blir i Storesalen på Ål, torsdag 6. november.

– Fredagen på Ål blir også fin, med utflukt til Kunstnartunet og Operalåven på føremiddagen og konsert på helsetunet kl. 12.00 før vi dreg heim att til Musikkhøgskolen.

Presseklipp om samarbeidet

• 22. september 2022 (papirutgåva) i Hallingdølen: Kulturskule møter toppnivå. «Dei neste tre åra skal musikkstudentar ha eit opphald i Ål som del av opplæringa si. Samarbeidet er alt i gang, og i veke 45 kjem dei første studentane til kommunen.»
• 11. november 2023 (papirutgåva) i Hallingdølen: Storfint besøk frå Norges musikkhøgskole: – Eg trudde Ål var ein plass det skjedde ting, og no er det bekrefta «19 studentar frå Norges musikkhøgskole har vore på besøk i bygda i snart ei veke. Dei har travelt program frå morgon til kveld.»
• 30. november 2023 (papirutgåva) i Hallingdølen: Ung Musikk i Buskerud. «Flere kommunale kulturskoler i Buskerud, blant andre alle kommunene i Hallingdal, har de siste årene hatt stor glede og utbytte av å delta i prosjektet Ung Musikk.»
• 7. november 2023 (papirutgåva) i Hallingdølen: Eit musikalsk venskap. «19 studentar frå Norges musikkhøgskole har vore på besøk i Ål denne veka. Det har ikkje minst musikk- elevane i Ål kulturskule sett stor pris på.»
• 18. januar 2024, studieomtale på NMHs nettsider: 2024: Pedagogisk utviklingsarbeid i egen praksis. Musikkpedagogdagen 2024 ble arrangert 18. januar. Årets tema var «Utviklingsarbeid i egen praksis».Ett av temaene man kunne velge mellom var «Om utvikling av et praksisprosjekt for studenter i samarbeid med Ål Kommune v. John Vinge (NMH)».
• 4. november 2024, Ål kommunes nettsider: NMH+ÅKS. NMH flyttar klasserommet frå Oslo til Ål. «I november kjem ei gruppe musikkpedagogikk-studentar frå Musikkhøgskolen til Ål. I fem dagar skal dei undervise, spele og lære, for og med lokale krefter.»
• 4. november 2024, Ål kommunes nettsider: NMH+ÅKS. NMH flyttar klasserommet frå Oslo til Ål. «I november kjem ei gruppe musikkpedagogikk-studentar frå Musikkhøgskolen til Ål. I fem dagar skal dei undervise, spele og lære, for og med lokale krefter.»
• 7. november 2024 (abo nettsak) i Hallingdølen: Får vere prøvekaninar for musikklærarar under utdanning: – Me er sjukt imponerte. «Det er tredje året studentar på musikkhøgskolen kjem til Ål for å lære å lære bort musikk.»
• 1. oktober 2025, Ål kommunes nettsider: Invitasjon til ny konsert i Storesalen torsdag 6. november 2025: «For femte gong har Ål kulturskule den store gleda av å ynskje 18 studentar frå bachelorprogrammet i musikkpedagogikk ved Norges musikkhøgskole (NMH) velkomne til Ål.»
• 22. oktober 2025: Pressemelding/NMHs nettsider "Ny samarbeidsavtale mellom Ål kulturskule og NMH".
• 6. november 2025 (papirutgåva s. 23) i Hallingdølen: "Besøket får det til å svinge" - I tre år har musikkstudentar tatt turen til Hallingdal for å vere med ungar og vaksne i felles interesser. Nemlig musikk, dans og kultur. Ål kulturskule har fått forlenga samarbeidet med Noregs musikkhøgskole.