Barbro har samla ein stor skare av Noregs fornemste songarar og pianistar i forskjellige sjangrar – viser, jazz, musikal, operette, folkemusikk, nykomponert musikk, og sjølvsagt med tyngdepunkt på klassiske romansar og opera. Den musikalske bredden og variasjonen av stilar og epokar er lang, brei og høg, og blir strekt i alle retningar – i alle fall til himmels. Publikum får høyre solo, duettar, ensemble, kor og delta i allsong.
Dette blir ein heilkveld av ein songarfest som de seint vil gløyme, og konferansieren kjem frå NRK. I tillegg får publikum nokre sensasjonelle overraskingar. Følg med på heimesida, der de også kan booke ein plass i salen. Servering i pausa.
Alle bøkene, inkludert den heilt ferske baryton- og bass-boka, er til sal etter konserten. Betaling via Vipps.
