I lydarlæte

Lydarlæte frå Valdres er ein musikktradisjon som strekker seg attende til starten av 1800-talet, og var noko så spesielt som hardingfelespel for eit lyttande publikum i ei tid då låttane elles var knytt til dans eller det seremonielle. Sivert Holmen har nytolka og rekomponert lydarlæte, og speler omarbeidingane saman med tradisjonelt lydarlæte i denne masterkonserten. Låttane blir utforska gjennom variasjon og kontrastar i klang og tonalitet, ornament og melodimotiv, eksperimentering med differenstonar og temporal utstrekking. Konserten kastar nytt lys over ein unik musikktradisjon på hardingfele.