Med fokus på klangmoglegheitene, grooven og strøkbruken til langeleiken banar den særeigne spelestilen hennar veg for nye uttrykk innanfor langeleikspelet. I 2024 og 2025 vann ho landskappleiken i klassa langeleik senior.
Hennar store interesse for overføring av låttar frå hardingfele og kveding, og dessutan vidareføring av dei eldste notenedskriftene på langeleik, gjer Andrea sitt repertoar unikt. I tillegg til å vere soloutøvar, blir ho hyppig brukt til dansespel og undervisning i både langeleik og folkedans. Andrea er den første med bachelor i folkemusikk med langeleik som hovudinstrument, ein grad ho fullførte ved USN, campus Rauland i 2023. I 2025 har ho statens kunstnarstipend.
