Ensem­bla våre

Christiania Blåseensemble er eit korpstilbod på høgt nivå for noverande og tidlegare studentar. Christiania Blåseensemble (CBE) blei stifta i september 2008 av studentar ved Noregs musikkhøgskole. Ensemblet har janitsjarbesetning og er oppretta med føremål å gi studentar og musikarar eit korpstilbod på høgt nivå. Ensemblet har vinna NM i janitsjar fleire gonger, sist i 2024.

Gleda ved musikken dreiv studentar til å starte strykeorkesteret Ensemble Allegria. Allegria betyr fest og glede på italiensk, og det var nettopp gleda ved det å spele saman som førte til at ein gruppe musikkstudentar starta orkestret i 2007.

Jazzvokalensemblet blandar jazz, gospel og samtidsmusikalsk improvisasjon og lagar konsertar med stor publikumsappell. Vokalensemblet Full hals består av jazzsongstudentar ved Norges musikkhøgskole, og er eit eige fag ved skolen, etablert hausten 2005.

Musikkhøgskolens kammerkor framfører dei viktegaste korverka gjennom tidene. Publikum kan oppleve alt frå Bachs Magnificat til operalitteratur med full regi. Musikkhøgskolen engasjerer dirigentar på internasjonalt toppnivå for å leie prosjekta.

Nordic Harmony er eit ungt ensemble som jobbar gjennom kammermusikken sine kjerneprinsipp og har som ønske og mål å gjengi symfonisk repertoar på det høgaste kunstneriske nivået.

• Nordic Harmony på Facebook.

Musikkhøgskolens sinfonietta gir studentar og publikum ei innføring i samtidsmusikken. Sinfoniettaen har spelt samtidsmusikk i over tjue år. Til saman har dei gjort over 400 konsertar med sentrale verk på plakaten.

Musikkhøgskolens storband speler jazz i stort format. Høgskolens største jazzensemble har satt merke i norsk musikkliv. Storbandet er eit tilbod til alle studentar ved Musikkhøgskolen som ønsker å utvikle seg innanfor rytmisk musikk for store ensembel.

Musikkhøgskolens symfoniorkester er eit fullt symfoniorkester og er høgskolens flaggskip.