Ingeborg Nebelung: Forventningar til musikkterapi på barn- og ungefeltet

Fagområde: Musikkterapi

Forventningar til musikkterapi med barn og unge i utsette livssituasjonar er eit komplekst og dynamisk fenomen som påverkar handlingar, haldningar og relasjonar. Denne studien
utforskar korleis slike forventningar blir forma, forhandla og forstått, med eit mål om å bidra til meir balanserte og realistiske forventningar til musikkterapi i arbeid med barn og unge i utsette livssituasjonar. Studien er forankra i eit kvalitativt, eksplorativt forskingsdesign, og er ein multippel, instrumentell casestudie inspirert av institusjonell etnografi.

Gjennom tre casar er 20 menneske intervjua, og avhandlinga undersøker forventningar frå tre perspektiv: (1) to leiarar i barnevernet (2) 14 musikkterapeutar og ein dramaterapeut, og (3) tre ungdommar som har deltatt i musikkterapi.

Problemstilling

Hovudproblemstillinga for studien er: "Kva forventningar er det knytt til musikkterapi med barn og unge i utsette livssituasjonar?"

Fullstendig tittel på avhandlinga er Om forventningar til musikkterapi med barn og unge i utsette livssituasjonar – ein eksplorativ instrumentell multippel casestudie.

Avhandlinga består av tre artiklar og ei kappe. Avhandlingsspråket er norsk (nynorsk).