Gravity er ei framsyning som kombinerer undersøking av ord, tankar, handlingar og kjensler medan ein blir konfrontert med fysisk og mental innesperring. Ho kretsar rundt problem nært knytte til det iranske samfunnet og viser dei universelle sanningane om den transcendentale effekten undertrykking, restriksjon eller tap av rettigheiter kan ha på menneske. Uansett kvar, i kva for eit land, mot kva folkeslag eller kultur eller i kva for ein epoke – flytande og til stades utan tyngdekraft i den evige kampen.
Denne kvelden presenterer den polske komponisten og stipendiaten i kunstnarleg forsking ved Noregs musikkhøgskole, Martyna Kosecka, tre forskjellige musikalske format og tilnærmingar til temaa fangenskap, søken etter fridom og perspektiv på kvinners (menneskes) rettar. Som ein del av si kunstnarlege forsking utviklar ho ei rekkje konsept for mini-operaer der ho utforskar korleis forkortinga av den dramaturgiske handlinga påverkar innhaldet i forma, og tar opp eit tema som står ho nært – kvinners rolle og behandling i det moderne samfunnet.
Sophia Körber
Den internasjonalt anerkjende sopranen Sophia Körber er ein allsidig opera-, oratorie- og konsertsongar. Ho har spesielt etablert seg som solist innanfor samtidsopera og barokkmusikk. I 2020 blei dei «fortryllande tonane» hennar rosa av die Vorarlberger Nachrichten medan ho spelte rolla som Servilia i Mozarts La Clemenza di Tito ved Landestheater Bregenz. Sophia framførte solorolla i Stockhausens SIRIUS i Kürten i 2022. Andre høgdepunkt dette året har vore framsyningar som solist på VoxLAB-festivalen i Noreg, Kronberg Academy og med Klangforum Wien ved Tongyeong Konserthus i Sør-Korea. I den noverande sesongen (2022/23) skal ho opptre igjen som Gerda i Die Schneekönigin ved Deutsche Oper Berlin.
Körber er prisvinnar av Bundeswettbewerb Gesang i Berlin og vinnar i kategorien Samtidsmusikk ved den internasjonale konkurransen Giovanni Musicisti Treviso. Sophia har fått betydeleg støtte som stipendiat frå Walter og Charlotte-Hamel-Stiftung, Live Music Now Hannover og Studienstiftung des deutschen Volkes. I 2019 var ho finalist ved Richard-Strauss-Gesangswettbewerb i München, og i 2021 og 2022 finalist i Rhonefestivalens #LIEDINNOVATION-konkurranse.
Spectro Duo
Spectro Duo sine musikalske røter ligg i samtidsmusikken, men praksisen deira er forankra i improvisasjon og performance-kunst. To komponist-utøvarar dannar ei samtidsmusikkgruppe med ei performativ uttrykksform som utfordrar kategorisering. Spectro Duo starta sitt arbeid i 2013 og består av to komponistar og utøvarar, Martyna Kosecka (vokal, tangentar, lydobjekt, elektronikk, video) og Idin Samimi Mofakham (alt-saksofon, elektrisk gitar, lydobjekt, elektronikk). Deira musikalske fokus er på dronar, støy, beat-fenomen, glitchar, feltopptaks-transformasjon, mikrotonalitet og ikkje-vestlege stemmingssystem.