Ultima: Mot harde flater

• Jennifer Torrence, Tomas Nilsson, Dagfinn Theodor Ingebrigtsen Holte, Elvin Ingeborgrud Berg, Sigurd Adrian Schøyen og Amund Falk Morgenstierne (slagverk)
• Ingrid Berger Myhre (koreografisk konsulent)
• Anna Gaïotti (steppdans)

Les meir på sidene til Ultimafestivalen (ultima.no).

Harde flater yter motstand. I Øyvind Mæland sitt verk «Quality Finish», speler seks slagverkarar på instrument bygde av keramiske fliser, tre, metall og andre materiale. Musikarane beveger seg gjennom eit underleg, kvasi-melodisk landskap av støy, friksjon og skjørt samarbeid.

I kveldens andre del møter vi steppdansar Anna Gaïotti på scena. Mikrofonar under føtene hennar fangar opp lyden av steppdansen og sender han inn i elektronikken. Ho steppar mot det gamle tregolvet i Kulturkyrkja Jakob, og gjer om fotrørsler til perkusjon. Knirkinga og vibrasjonane forplantar seg fra golvet og inn i kroppen.

Støy er denne kvelden verken sjanger eller gest. Han finst i sprekken i ei flis, i foten som slår, i materialet som svarer tilbake.