Ultima: NMH sinfonietta + Nordheims komponistpris

NMH sinfonietta framfører verk av prisvinnaren, i tillegg til musikk av Martin Langerød, Andrea Giordano og Arne Nordheim.

• Arne Nordheim (1931–2010): Tractatus (1986)
• Utdeling av Arne Nordheims komponistpris, ved kultur- og likestillingsminister Lubna Jaffery og leiar av juryen for Arne Nordheims komponistpris, Bjørnar Habbestad
• Jonas Skaarud (årets mottakar av Arne Nordheims komponistpris): The Quiet or Repose of Sleep
• Andrea Silvia Giordano: Say it Again (2025, rev. 2026. Tekst: Utdrag frå William Shakespeares The Rape of Lucrece, 1594)
• Martin Torvik Langerød: Animae (2023, rev. 2025)

• Johannes Gustavsson (dirigent)
  
• Solist: Tom Ottar Andreassen (fløyte)
• NMHs sinfonietta
• Konserten blir moderert av musikkhistorikar og skribent Ola Nordal

Les meir på sidene til Ultimafestivalen (ultima.no).

Komponist Jonas Lie Skaarud (f. 1990) er opptatt av reduksjon og skrøpelegdom, stillstand og svake dynamikkar, og kombinerer utvida teknikker, prepareringar og mikrotonalitet med enkle og nedstrippa tonale strukturar. Musikken hans tar ofte utgangspunkt i omarbeidingar av historisk materiale som blir forsøkt gjenoppliva i en skrøpelegdomssestetikk der han tar frå kvarandre, dekonstruerer og set det saman igjen som relikviar i eit ekko frå fortida, fylt av slagg, støv og stille luft. Skaarud arbeider ofte med ikkje-lineære former, repetisjonar og sakte rørsler.

Han har hatt bestillingar i inn- og utland og skrive musikk for mange av Noregs mest profilerte samtidsmusikkensemble og -musikarar på festivalar som Ultima, Only Connect, Borealis, Festspillene i Bergen, Oslo Kammermusikkfestival og meir. Han vann EDVARD-prisen i 2018 for «(forthwith a change came over the waters) and the serenity became less brilliant but more profound» som han skreiv som student ved Noregs musikkhøgskole. Hans verk «The moon has set, dogs are sleeping» kom på 3. plass i Det Internasjonale Rostrum for komponistar i 2026.

Jonas Skaarud er vinnaren er Arne Nordheims komponistpris 2026. På konserten høyrer vi verket «The Quiet or Repose of Sleep.»

Filmvisning

Kl. 15:00 i Levinsalen blir det filmvisning av «Arne Nordheim & Rannveig Getz Nordheim. Musikken, menneskene, livet», i samarbeid med Arne Nordheim-senteret på NMH (NordART).

Verka på konserten

Andrea Giordanos «Say it again» tar utgangspunkt i Shakespeares «The Rape of Lucrece», eit dikt om vald mot ei kvinne, og om korleis denne valden blir vikla inn i ære, skam, makt og politikk.

Martin Langerøds «Animae» søker inn mot kjernen i det menneskelege: kreftene, tendensane og motsetjingane som bind oss saman og riv oss frå kvarandre.

Tractatus (1986) for solofløyte og kammerensemble av Arne Nordheim, blei først bestilt av fløytisten Robert Aitkin og The New Music Concerts i Toronto. Solisten går inn i eit livleg og dynamisk samspel med ensemblet, i ein vital og energisk dialog med leik mellom lys og mørke, fargar og kontrastar. Verket blir avslutta med ei reprise av midtdelen.

Arne Nordheims komponistpris

Annakvart år blir Arne Nordheims komponistpris delt ut til ein komponist med ein original og aktuell kunstnarleg praksis i ånden til Nordheim. Det «nordheimske» handlar om ei kunstnarleg drift: å utvide kva musikk kan vere, å arbeide nyfikent med klang, rom, teknologi og instrument, og å våge å stå i det nye utan å bryte med tradisjonen.

Prisutdelinga finn stad på Noregs musikkhøgskole, ein institusjon med røter i Musikkonservatoriet i Oslo, der Nordheim sjølv studerte. I skolen si opne haldning til komposisjon og eksperiment finn vi ei levande vidareføring av denne arven, også i verka til noverande studentar Andrea Giordano og Martin Langerød, som her blir framførte saman med Nordheims Tractatus og eit ensembleverk av prisvinnaren.