Ultima: NMH sinfonietta + Nordheims komponistpris

NMH sinfonietta framfører verk av prisvinnaren, i tillegg til musikk av Martin Langerød, Andrea Giordano og Arne Nordheim.

• Martin Torvik Langerød: Animae (2023, rev. 2025)
• Andrea Silvia Giordano: Say it Again (2025, rev. 2026. Tekst: Utdrag frå William Shakespeares The Rape of Lucrece, 1594)
• Utdeling av Arne Nordheims komponistpris, ved kultur- og likestillingsminister Lubna Jaffery og leiar av juryen for Arne Nordheims komponistpris, Bjørnar Habbestad
• Ensembleverk av årets mottakar av Arne Nordheims komponistpris (TBA)
• Arne Nordheim (1931–2010): Tractatus (1968)

• Johannes Gustavsson (dirigent)
  
• Solist: Tom Ottar Andreassen (fløyte)
• NMHs sinfonietta
• Konserten modereres av musikkhistoriker og skribent Ola Nordal

Les meir på sidene til Ultimafestivalen (ultima.no).

Filmvisning

Kl. 15:00 i Levinsalen blir det filmvisning av «Arne Nordheim & Rannveig Getz Nordheim. Musikken, menneskene, livet», i samarbeid med Arne Nordheim-senteret på NMH (NordART).

Verka på konserten

Andrea Giordanos «Say it again» tar utgangspunkt i Shakespeares «The Rape of Lucrece», eit dikt om vald mot ei kvinne, og om korleis denne valden blir vikla inn i ære, skam, makt og politikk. Martin Langerøds «Animae» søker inn mot kjernen i det menneskelege: kreftene, tendensane og motsetjingane som bind oss saman og riv oss frå kvarandre.

Arne Nordheims komponistpris

Annakvart år blir Arne Nordheims komponistpris delt ut til ein komponist med ein original og aktuell kunstnarleg praksis i ånden til Nordheim. Det «nordheimske» handlar om ei kunstnarleg drift: å utvide kva musikk kan vere, å arbeide nyfikent med klang, rom, teknologi og instrument, og å våge å stå i det nye utan å bryte med tradisjonen.

Prisutdelinga finn stad på Noregs musikkhøgskole, ein institusjon med røter i Musikkonservatoriet i Oslo, der Nordheim sjølv studerte. I skolen si opne haldning til komposisjon og eksperiment finn vi ei levande vidareføring av denne arven, også i verka til noverande studentar Andrea Giordano og Martin Langerød, som her blir framførte saman med Nordheims Tractatus og eit ensembleverk av prisvinnaren.