Parallelt med konserten på NMH, blir den same, eller snarare ein variant av den same konserten, spelt på Punktfestivalen i Kristiansand. Teknologien gjer samspelet mogleg, samtidig som den tvingar både publikum og musikarar til å tenkje annleis om mellom anna samhald, samspel og timing.
Det kunstnarlege forskingsprosjektet Love Your Latency omfamnar dei digitale forstyrringane og fantaserer om ei framtidig hybrid konsertform. Prosjektet er eit samarbeid mellom CreaTeME (Senter for framifrå utdanning), Noregs musikkhøgskole, Noregs teknisk-naturvitenskapelege universitet (NTNU), Punktfestivalen og Kilden teater og konserthus i Kristiansand.
