Messing

Trompet, horn, trombone, eufonium og tuba er hovudinstrumenta, men det er òg mogleg å velge enkelte historiske instrument. Skolen har messingensemble, symfoniorkester, korps, sinfonietta og diverse ensemblekonstellasjonar for studentane. Ensemblet NMH kammer brass samlar dei beste messingstudentane, og det prisvinnande korpset Christiania Blåseensemble turnerer og deltek i konkurransar nasjonalt og internasjonalt.

Alternative undervisningsformer og metodar blir testa ut i tillegg til tradisjonell undervisning. Workshops og prosjekt utfordrar studentar og lærarar i felleskap til å møte ein musikermarknad i stadig endring.

Å ta eit diplomstudium her samtidig som eg starta min utøvande karriere var fantastisk. Eit så fleksibelt og tilpassa tilbod både når det gjeld timeplan, fag og lærekrefter har vore alfa og omega i situasjonen min.
Tine Thing Helseth Professor i trompet

Messinglærarane har erfaring frå profesjonelle orkester. I tillegg til ensembleaktivitet, også saman med studentane, deltek dei i forsknings- og utviklingsprosjekt ved Musikkhøgskolen.

Andre leiande solistar og orkestermusikarar kjem jamnleg for å gi meisterklasser og innblikk i den internasjonale orkesterverda. Musikkhøgskolen har utvekslingsavtalar med europeiske musikkhøgskoler, for studentar som ønsker å gjennomføre delar av studia i utlandet.