Samandrag
Forskningsprosjektets originaltittel er "Challenging musical canons: evoking diversity in practice and theory".
Challenging musical canons er eit felles forskings- og utviklingsprosjekt som stiller følgande spørsmål: på kva måtar kan vi utfordre og utvide rådande kanoniske tradisjonar innanfor ulike studie- og undervisningsmiljø ved NMH?
Den vestlege musikkhistoria har i stor grad favorisert mannlege komponistar, musikarar og tradisjonsberarar, medan kvinner og ikkje-binære ofte har blitt oversett av historieskrivarar, deira bidrag har blitt forminska, eller dei har mangla moglegdom til å delta i musikklivet på lik linje med menn. Dette har bidrege til musikalske kanonfortellingar der viktige personar, musikalske uttrykk og perspektiv manglar.
I forskings- og utviklingsprosjektet Challenging musical canons ønsker Eva Beneke (førsteamanuensis i klassisk gitar, NordART), Guro Gravem Johansen (professor i musikkpedagogikk, CERM/Karlstad universitet) og Gjertrud Pedersen (førsteamanuensis i musikkhistorie, NordART) å utvikle nye måtar å formidle musikkhistorie og musikalsk praksis.
Prosjektet er eit samarbeid mellom fleire fagområde innanfor forskingssentra CERM og NordART.
Formidling og dokumentasjon
I samband med kammermusikkveka hausten 2023 har Beneke, Johansen og Pedersen tatt initiativ til å rette søkelyset mot kjønn og kjønnsmangfald i musikken. I løpet av denne uka arbeider studentane med musikk av kvinnelege komponistar, tradisjonsberarar og produsentar.
Øvrig dokumentasjon:
- Presentasjon fellesdag for NMH-tilsette 24. august 2023
- Konsertforedrag Ultima Kompass 14. september 2023
- Kjønnsmangfald i musikken debatt og konsert, NMH 7. november 2023
- Kvinner i musikken, kurs for studentar ved NMH, andre år bachelor hausten 2023
- Fagfellevurdert artikkel er planlagt publisert 2024
